LAOAG CITY – Naisuko manen ti sumagmamano a napigpigsa a paltog iti PNP Bacarra.
Nabigbig ti nagisuko a ni Pacipico “Pasing” Valeasco, agtawen ti 77, naasawaan, retirado nga opisyal ti gobyerno, residente ti Brgy 3 iti nasao nga ili.
Insuko ti dati nga opisyal ti 12 Shotgun, ken13 a bala na; US Sub Machine Gun caliber 45,16 a bala ken maysa a magazin; ken ti Caliber 32 Barreta.
Naamuan a dagiti nasao a paltog ket naggibus ti linsensya na.
Kabayatanna, insuko ti maysa a city councilor ti siudad ti Batac ti sumagmamano a paltog na iti PNP.
Nabibig ti nagisuko a ni Sangguniang Panlungsod Joel Garcia y Reyes, agtawen ti 57, City Counsilor, ken residente ti Brgy Cangrunaan ditoy siudad ti Batac.
Inpaima ni Garcia ti 5.56mm Armalite, ken ti kalibre 45 a paltog kadagiti kameng ti PNP Batac.
Naamuan a nagexpired ti linesya dagiti paltog na iti Disyembre 18, 2015.
