LAOAG CITY – Natay ti sumagmamano nga indibidual kalpasan a naidungpar idiay Stockholm.
Nupay kasta, basar kadagiti otoridad nga awan pay ti kumpirmasionda maipanggep kadagiti impormasion a panangatake.
Inbatad ti pannakangiwat ti rescue services idiay Stockholm nga adda ti innem a pimmusay iti nasao nga insidente.
Inlawlawagna nga insigida met a naarestar dagiti otoridad ti driver ti bus.
Mainaig iti daytoy, saan a nangipaay ti komento ti kapulisan maipanggep iti bilang, kinatao ken tawen dagiti natay ken nasugatan nga indibidual.
Naammoan a napasamak ti insidente iti asideg ti Royal Institute of Technology university.
Kabayatanna, inrakurak ni Prime Minister Ulf Kristersson a saanda pay a masinunuo ti rason ti insidente ngem inpadanonna ti napalaos a pannakipagladingitna kadagiti maseknan a pamilia dagiti biktima.
