LAOAG CITY – Kimmaro ti tignay-protesta kontra ti pannakaipatakder ti maibilang a kadakkelan a telescope iti intero a lubong iti Mauna Kea Mountain idiay Hawaii.
Sumagmamano kadagiti nakipartisipar ti protesta ket dagiti mabigbig nga artista kas ni ‘Aquaman’ star Jason Momoa a napan a mismo bimmisita iti protest site.
Nangipaay met ti suporta da Bruno Mars ken ni Dwayne Johnson kadagiti grupo a kontra ti pannakaipatakder ti nasao a telescope
Kontraen dagiti maseknan ti pannakaipasdek ti telescope iti nasao a lugar gapu ta ibilangda ti bantay a naituding a pakaipatakderanna a sagrado.
Naamoan a ti 30-meter telescope ket napondoan ti 1.4B ken iwanwan ti University of Hawaii.
