LAOAG CITY – Madandanagan dagiti sumagmamano nga Overseas Filipino Workers (OFW) a taga Ilocos Norte nga adda idiay Hong Kong gapu iti panagdadael ti escalator ti maysa a mall idiay Mongkok.
Segun iti maysa a contract worker a nagkedkeden a mainaganan, ngem agin indeg idiay Taiko, Hongkong Island, madanagan gapu ta posible nga adda nairaman a Pilipino iti panagkakariboso dagiti tattao iti nadadael nga escalator.
Kuna na nga idi bimtak ti damag seknan iti nasao a pasamak ket immuna a simrek ti panonot na no adda Pilipino a nairamraman iti nasao nga aksidente.
Maipalagip nga idi agpangato ti escalator iti maikadua a kadsaaran ti mall ket nagdadael a poon iti nagkakaribosuan a nagpababa dagiti nakalugan.
