LAOAG CITY – Naan-anayen a marikna dagiti sumagmamano nga OFWs idiay Saudi Arabia ti epekto ti naipatungpal a 5 percent value added tax (VAT) ti nasao a pagilyan.
Segun ken ni Miss Mylene Diego, taga Marcos, Ilocos Norte ngem agdama nga agtrab-trabaho idiay Saudi kas midwife, ibilang da a “dagdag-pasakit” kadakuada nga OFW ti pannakaipataw ti buwis kadagiti magatgatang.
Kuna na nga uray awan ti buwis ti sweldo da ket dakkel a banag para kadakuada ti naipataw a buwis kadagiti amin a magatgatan ti nasao a pagilyan.
Inbatad na pay a tunggal mapan da ag-grocery kadagiti kakadwa nga OFW ket nakatutuk da ti resibo ken kwen-kwentaen da ti binayadan da a buwis.
Innayon na a masayangan da unay ti baybayadan da a buwis gapu ta no maurnong daytoy ket dakkel a tulong kadakuada ken adda koma ti nayun ti ipatpatulod da a kwarta ti pamilya da ditoy Pilipinas.
