LAOAG CITY – Inpalgak ni Senador Risa Hontiveros ti posibilidad nga adda tumultulong nga opisial ti gobierno kadagiti illegal a Philippine Offshore Gaming Operators (POGO) tapno agtultuloy ti operasionda ditoy pagilian.
Daytoy ket kalpasan a natakuatan nga agingga ita ket adda pay laeng dagiti sumagmamano a Philippine Offshore Gaming Operators nga agtultuloy ti operasionda ken agar-aramidda kadagiti wagas tapno mabaliwan ti kinasiasinno da.
Malaksid iti daytoy ket nabaliwan pay ti Business Process Outsourcing (BPO) ngem patien ti Senador a POGO met laeng dagitoy.
Nupay kasta, saan pay nga inaganan ni Hontiveros ki kinasiasinno dagiti opisyale ti gobierno a makitintinnulonh kadagiti POGO Operators.
Inpetteng na nga agserbi latta daytoy a pakdaar kadagiti opisyal ti gobierno iti laksid ti total ban nga immunan nga inpatungpal ni Presidente Bongbong Marcos Jr.
Kabayatanna, naka-iskedyul metten ti maudi a hearing ti Senado mainaig iti illegal operations ti Philippine Offshore Gaming Operators wenno POGO ditoy pagilian inton Nobiembre 26.
