LAOAG CITY – Manamnama a nagduduma nga opisyal ti gobierno national ti makipagladingit ken agatendar iti pannakaitabon ni Mrs. Fortuna Marcos-Barba.
Sumagmamano kadagitoy ket ti pamilya ni Senador Cynthia Villar, Senador Jinggoy Estrada ken ti pamilya Marcos.
Naamoan nga intono Marso 16, aldaw ti biyernes, oras ti alas-otso ti bigat ti panagtabon ti bangkay ni Mrs. Fortuna Marcos-Barba.
Daytoy ket kalpasan a nakapagtutulagen dagiti pito nga annak na.
Ti bangkay ni Barba ket nakamansayag iti agdama iti pagtaengan da iti Brgy. 8, San Rufino iti ili ti San Nicolas.
Masurot met ti tradisyon ti panagpamunpun dagiti Ilokano kas iti maika-siyam nga aldaw, ti panagpa-luwalo sakbay pamunpun ken panangipaay ti misa iti uneg ti Simbaan Romano Katoliko iti nasao nga ili.
Maitabon ti bangkay iti Brgy. 15, San Nicolas nga ayan ti museleo ti pamilya Barba.
Kabayatanna, immapela ni Sang. Panlalawigan Member iti panangikarkararag ti kararwa iti pimmusay nga ikit na.
Maipalagip a natay ti ni Mrs. Barba a kabsat ni dati a Pres. Ferdinand Marcos gapo ti sakit na nga pneumonia.
