LAOAG CITY – Ipresentar ti House prosecution panel ti sumagmamano nga opisyal manipod iti National Bureau of Investigation (NBI) ken iti kamara de representantes kas umuna a testigo iti panangrugi ti impeachment trial ni Vice President Sara Duterte intono bigat, Lunes, Hulyo 6.
Basar iti prosecution panel, karaman kadagiti nakalinya a testigo da manipod Hulyo 6 agingga iti Hulyo 8 ket dagiti sumaganad:
Atty. Jeremy Lotoc, NBI-BARMM Regional Director
John Mark Calilung, senior agent of the NBI Cyber Investigation and Assessment Center
Capt. Belinda Bello, executive director of the House Legislative Security Bureau
Naamoan a dagiti nasao a testigo ket paneknekan da dagiti alegasyon iti Impeachment Article I, a pakairamanan ditoy ti maipagarop a grave threat ken assassination plot kontra ken ni President Ferdinand Marcos Jr., First Lady Liza Araneta-Marcos ken dati nga House Speaker Martin Romualdez.
Inbatad ni House prosecutor Rep. Joel Chua a ti panang-authenticate kadagiti video ti kangrunaan a mapasamak iti daytoy, ti kadagsenan nga ebidensya da iti pangta ti bise presidente.
