LAOAG CITY – Inlawlawag Dr. Marsha Lou Wafan, ti mangidadaulo iti Laoag City General Hospital maipapan iti Reference Laboratory Test.
Segun kenkuana, adda dagiti awan pay a klase ti laboratory test iti ospitalda kas ti serological test nga anti-nucleic acid, culture and sensitivity test ken anti-HAV wenno hepatitis A virus.3
Inbatadna a dagitoy a klase ti special test ket adda dagiti gundaway a saanda a makakiddaw ti test para iti daytoy ken available dagitoy iti Hi-precision Diagnostics.
Inlawlawagna nga adda dagiti maiyus-uswat a laboratory test ngem gapu iti kinakurang kadagiti medical equipment ket awan ti maipadalan nga special test.
Kunana nga adda ti Human immunodeficiency virus testing ditoy siudad ti Laoag babaen kadagiti Medical Technologist a dimmalan iti panagsanay maipanggep iti daytoy.
Inpalgakna a saanna met a masinunuo no mano ti kaso iti nasao a virus ditoy siudad ti Laoag.
Innayonna a dagiti maseknan a pasiente ket agbayad maibasar iti rate ti Hi-precision Diagnostics no sadino kolektarenda laeng ti sample test dagitoy.
