LAOAG CITY – Nagatendar dagiti sumagmamano a nalalatak nga sports personalities iti panagsapata ni United States President Donald Trump.
Karaman ditoy da UFC president Dana White ken UFC commentator Joe Rogan.
Personal nga inimbitaran ni Trump ni UFC heavy weight fighter Jon Jones.
Inbatad ni Jones ti nangbabalaw kenkuana nga uray aniaman a political party-da ket maysa isuna nga Amerikano ken personal daytoy nga inimbitaran ti US President.
Maipalagip nga iti napalabas a tawen ket personal a nagbuya ni Trump iti laban ni Jones ken ni Stip Miocic.
Kalpasan ti panangabak ni Jones iti maikatlo a round ket inpaayna ti championship belt-na ken ni Trump.
Naammoan a naimbitaran pay da Conor McGregor, Jake ken Logan Paul pakairamanan dagiti nalalatak nga US football players.
