LAOAG CITY – Matmatay dagiti sumagmamano nga ubbing idiay Gaza kabayatan nga iyur-urayda ti Israel a lukatan dagiti medical evacuation.
Iti nagduduma a wards ti Nasser Hospital, adda ti dua nga agtawen ti 10 a lallaki ti agur-uray iti ospital, maysa ditoy ket napaltogan ti Israeli ken naparalisado iti tengngedna idinto a ti maysa ket agsagsagaba ti brain tumour.
Basar iti World Health Organization, sumagmamano laeng dagitoy kadagiti 15 a ribu a pasiente nga agkasapulan ti urgent medical evacuations.
Inbatadna a nakikoordinar ti World Health Organization ti first medical convoy tapno rummuar iti Gaza nga adda ti 41 a pasiente ken 145 nga agbanbantay kadakuada ti nagturong iti ospital.
Nagpanawagan ti United Nations agency ti naan-anay a medical evacuations gapu iti alisto a panagngato ti bilang dagiti kaso dagiti masakit ken nasugatan.
Kalikagumda a mairuar dagiti pasiente babaen iti Gaza’s Rafah border a dumalyasat iti Egypt.
Nupay kasta, inpetteng ti Israel nga agtalinaed a nakarikep ti crossing agingga a saan a matungpal ti Hamas ti adda iti linaon ti Gaza ceasefire iti panangisubli dagiti bangkay dagiti hostages.
Kiniddaw ni Dr. Tedros Adhanom Ghebreyesus, mangidadaulo ti World Health Organization iti Israel a mataming dagiti pasiente iti Gaza iti naokuparan a West Bank pakairamanan iti daya ti Jerusalem.
Kabayatanna, nangidiaya dagiti nangangato nga opisial ti European Union ken foreign ministers manipud iti sumurok 20 a pagilian pakairamanan ti United Kingdom ti tulong pinansial, nayon a medical staff ken kasapulan nga equipment.
