LAOAG CITY – Maalarma dagiti sumagmamano Pilipino idiay South Korea kalpasan a nairekord ti nasurok 200 a kaso ti coronovirus disease wenno COVID-19.
Segun kenni Heemina Valencia Kim, agpaaay iti maysa a kumpanya a pagaramidan ti Kimchi, taga Gangwon-do, South Korea a naiyasawa iti maysa a Koreano, agpanpanic da gapu ta asideg da idiay Seoul no sadinno a 19 a tattao dagiti naapektaran iti nasao a lugar.
Madanagan ni Kim no agserra ti kumpanya nga agdama a pagtrabtrabahoanna gapu iti pangta ti COVID-19.
Kunana a no adda iti gurigor ti maysa nga empleyado iti nasao a kumpanya ket maminpinsan a mapaserraan.
Inbatad na masarakan ti kadadakkelan a CASINO iti lugar da no sadinno nga adu dagiti sumsumrek a gangannaet.
Kunana nga 4 nga oras a byahe iti kaadayona manipod iti ayan na no sadinno a maysa ti pimmusayen ken 100 dagiti apektado.
Inlawlawag ni Kim a naulimek iti lugar da ken awan ti makita a tattao iti aglawlaw.
Nupay kasta, nakaalerto ti gobyerno ti Korea a mangasikaso kadagiti maapektaran ti nasao a virus.
