LAOAG CITY – Balligi ti naiyuswat a Search Warrant Operation iti pagtaengan ti maysa a tricycle driver a ni Leo Navarro, agtawen ti 36, addaan ti asawa, drug surenderee ken residente ti Bgy. Sangladan, Paoay, Ilocos Norte.
Narekobre dagiti otoridad iti balay ti suspek dagiti lima a babassit a sachet a naglaon ti maatap a shabu, 10 a bala para iti caliber 38 a paltog ken riffle grenade.
Segun ti report, nakita dagiti droga iti uneg ti maysa a flashlight nga adda iti sofa idinto a dagiti bala ken riffle grenade ket naikabil iti maysa a supot nga adda iti kuwarto ti anak ti nasao a suspek.
Mainaig iti daytoy, inpetteng ti pamilya Navarro a planted dagiti naala nga ebidensya a naiget met a naglikudan dagiti otoridad a nangiyuswat ti operasyon.
