LAOAG CITY – Maisagsaganan ti kaso nga anti-illegal gambling law kontra kadagiti sumagmamano nga indibidual a natiliwan a nagsusugal ditoy ciudad ti Laoag.
Naaktwan dagiti kameng ti pulisya dagiti maseknan nga agsusugal ti madjong iti balay ti agnagan iti balay Alberto Corpuz iti Barangay 17 ti nasao a ciudad.
Nabigbig dagiti natiliw a da Renier Corpuz, 50, Oscar Tolentino Bagaoisan, 53, Alberto Corpuz Tamayo, 58, Jes Rualo Buted, Catalino Supremo Palabras Jr., 64, Jessie Nicolas Domingo, Joylyn Soria Corpuz, 57, agpapada dagitoy a residente ditoy ciudad ti Laoag.
Malaksid kadagitoy, nakalibas met ni Engr. Ulderito Root, dati a City Engineer ken dagiti dua a babbai a saanen a nabigbig ti PNP.
Nupay kasta, karaman latta ni Root kadagiti makasoan ti illegal a panagsusugal.
Karaman kadagiti nakumpiskar dagiti otoridad ti dua a set ti madjong, tallo a lamisaan a kayo, 9 a mono block chairs, 385 a chips, samsung galaxy s5 ken ti 943 a pisos.
