LAOAG CITY – Nadisiplinaanen dagiti sumagmamano nga host ken artista seknan ti saan da a panagpabuya kadagiti saan a maiparbeng a makita ti kaadoan kangrunaan na dagiti ubbing.
Daytoy ti pammati dagiti pannakabagi ti Movie and Television Review and Classification Board (MTRCB) nga immay bimmisita ditoy Ilocos Norte itay kallabes.
Inlawlawag dagiti maseknan a nadisiplinaanen dagiti maseknan kalpasan nga inyemplementar da ti pagalagadan a masuspenso wenno temporaryo a maipasardeng ti pakipagpasetan da a pelikula wenno aniaman a programa no adda ti saan a maiparbeng nga ipabuya da.
Nupay kasta, inpagunam-gunam latta ti MTRCB kadagiti nagannak a masapol a kadwaen da dagiti annak da no agbuya da ti telebisyon wenno iti pagsinean.
