LAOAG CITY – Inlawlawag ni Dr. Norman Rabago, covid consultant ditoy probinsya a dagiti jail guard iti Ilocos Norte Provincial Jail (INPJ) ti ummuna a dimmalan iti swab test kalpasan a nagpsotibo ti maysa nga empleado ditoy a ni IN-C193.
Segun kenni Rabago, no saan nga ita nga aldaw ket intono bigat ti idadalan dagiti sumagmamano a balod a close contact ti nagpositibo.
Kinumpirmaran na a ni IN-C193 ket maysa a jail guard ti nakalaan na ti virus ket ti asawa na a ni IN-C187 nga empleado ti gobierno provincial.
Kunana nga agarop 40 nga indbidual a bukbuklen dagiti jail guards ken balod ti close contact ni IN-C193.
Inbatad na a saan a maswab test amin dagiti balod gapo ta saan da met nga agtitipon ken saan met a dupudop dagitoy iti nadakamat a pagbalodan.
Kabayatanna, mangnamnama daytoy a negatibo ti resulta ti swab test dagiti maseknan ken kunana a no negatibo ket masapol a maileppas latta ti 14-day quarantine dagitoy.
