LAOAG CITY – Dakkel ti maitulong ti summer classes tapno bumaba ti bilang dagiti agad-adal a saan a makabasa.
Daytoy ti patien ni Mrs. Vilma Eda, ti Department of Education (DepEd) Supt. ditoy ciudad ti Laoag.
Inbatad ni Eda a no adda dagiti mangisursuro a mayat nga agisuro iti bakasyon ket mabalin da nga ipakada iti Regional ken Central office tapno mausar da dagiti classroom iti pagadalan.
Innayon na nga adda ti probisyon ti Department of Education a no adda dagiti mangisursuro nga agtrabaho iti bakasyon ket maipaayan da ti service credit.
