LAOAG CITY – Inbilin ti Deputy Provincial Director for Administration a ni Police Supt Richmund Tadena ti pannakatiliw amin dagiti bulos nga aso iti compound iti Ilocos Norte Police Provincial Office (INPPO).
Inaramid daytoy ni Tadena kabayatan iti flag raising ceremony iti INPPO babaen ti panangidaulo ni Provincial Director Police Senior Supt. Cesar Pasiwen.
Namonganay iti pammilin ni Tadena kalpasan nga adda dagiti bulos nga aso a simrek iti pagturugan dagiti opisyal iti INPPO.
Malaksid ti daytoy, kinallong pay dagiti aso dagiti makan nga adda iti lamisaan.
