LAOAG CITY – Inbatad ni Senadora Risa Hontiveros nga umad-ado dagiti sumupsuportar iti Senado iti rakurak a pagbalinen a lima a tawen ti termino dagiti opisial ti barangay ken Sanguniang Kabataan wenno SK.
Mainaig iti daytoy, impakaamo ni Hontiveros a nangrugin ti interpellations iti rakurak a linteg nga inlungalong ni Senate President Francis “Chiz” Escudero.
Immunan nga inaprubaran ti House of representatives iti maika-tallo ken maudi a panagbasa ti nasao a lungalong a linteg.
Segun ken ni Hontiveros, ti saan pay a nadakamat iti nasao a lungalong ket no matuloy pay laeng ti barangay ken SK elections inton Nobiembre wenno maitantan manen daytoy.
Dinakamat ni Hontiveros ti rakurakna iti sangoanan dagiti opisial ti barangay ken SK manipud iti Laguna, Quezon ken Rizal a “closest face of government” kadagiti komunidad.
