LAOAG CITY – Naipaiman ti prosecutor ti International Criminal Court (ICC) ti sumurok 1,300 a pedaso ti ebidensia iti kampo ni dati a Presidente Rodrigo Duterte iti napalabas a pito a bulan iti napalabas a tawen.
Basar iti dokumento nga addaan ti petsa a Disiembre 24, 2025 a naipublikar laeng ita a lawas, inpakaammo ti Office of the Prosecutor iti Pre-Trial Chamber (PTC) I a pakabuklan a 1,303 a pedaso ti ebidensia ti naipublikar iti depensa manipud idi Hulio 7 agingga iti Disembre 18.
Adda ti 906 ditoy ti inbilang kas incriminating, 389 ti inkategoria kas “rule 77 evidence” a mabalin nga inspeksionen ti depensa ken ti nabatbati a walo ket naibilang kas “PEXO” wenno potentially exonerating.
Iti baet a saanen nga indetalye pay dagitoy gapu iti confidentiality, inlawlawag ti Office of the Prosecutor a karaman iti incriminating evidence ket dagiti insidente ti panangpapatay iti kangitingitan ti barangay clearance operations kasta met ti panangpapatay iti dadakkel a targets iti kangitingitan ti panagserbi ni Duterte kas Presidente ti Pilipinas.
Ti nasao a dokumento ket pirmado ni International Criminal Court Deputy Prosecutor Mame Mandiaye Niang.
Kabayatanna, ti bansada dagiti ebidensia nga inruar kalpasan ti Hulio 1 ket saan nga usaren kadagiti panagdengngeg para iti panangkumpirmar ti kaso kontra ken ni Duterte nga ikeddeng pay laeng ti petsa no inton ano a maisayangkat kalpasan nga intantan manipud iti orihinal a petsa idi Setiembre 23, 2025.
