LAOAG CITY – Inpakaammo ti Commission on Elections nga addan ti sumurok 100 a ribu nga illegal campaign materials dagiti national candidates ti inikkatda.
Segun ken ni Commission on Elections Chairman George Erwin Garcia, idi Pebrero 28, adda ti pakabuklan a 124,365 poster ti naikkat.
Inbatadna nga addan ti 2,463 ti naisyuanda ti ‘notice to remove’ documents a mangibilbilin kadagiti senatorial ken party-list candidates nga ikkatenda ti campaign materials.
Kunana a kagudua kadakuada wenno 1,561 ti nasken a sumurot iti 72 oras a deadline tapno ikkaten dagiti campaign materials dagitoy.
Ginutigot ni Garcia dagiti kandidato a sumurot iti pammilin ti komision tapno maliklikanda nga agkaproblema.
Inlawlawagna nga apaman a maawatda ti notice to remove ket rumbeng nga insigidada nga ikkaten ti campaign materials-da.
Innayonna a narigat para kadagiti kandidato nga addaan ti pending election offense iti Commission on Elections a ti nadakamat a naresolbar ti poll body ti unprecedented number ti election cases iti babaen ti terminona a 84 a porsiento.
Kabayatanna, mangnamnama ni Garcia a saanen a manayon pay dagiti kaso.
