LAOAG CITY – Inpakaammo ni Dr. Soccorro Galanto, Provincial Director iti Technical Education and Skills Development Authority, nga addan ti 168 a security guard ti na-profile dagitoy tapno dumalan iti panagsanay.
Kuna ni Galanto, kalikagumda ita a maipaayan dagitoy nga enrollees wenno scholar ti certification-da tapno nakasagana dagitoyen iti panagtrabahoda.
Mainaig iti daytoy, nagpatulong ti Technical Education and Skills Development Authority iti Ilocos Norte Police Provincial Office para iti training dagitoy ket mapaalisto ti panagalanda iti sertipikasion.
Inlawlawag ni Galanto a saandan a sakupen daytoy a banag ngem gapu ta gagemda a maipaayan dagitoy agkalikagum nga agbalin a security guard ti insigida a panggedanda ket makikokoordinarda kadagiti dadduma nga ahensia.
Innayonna a daytoy ket babaen pay ti tulong ti 2nd congressional office ditoy probinsia nga idadauluan ni Cong. Angelo Marcos Barba.
