LAOAG CITY – Natay ti sumurok 20 nga indibidual idinto a sumurok 50 ti nasugatan pakairamanan dagiti lima nga ubbing iti nagpatnag a missile ken drone attacks ti Russia iti Eastern City ti Dobropillia iti Donetsk region.
Basar iti Emergency Services ti Ukraine, nadadael gapu iti panagraot ti walo a residential buildings, maysa nga administrative building ken 30 a lugan.
Segun iti Ukraine Interior Ministry, inusar ti Russian forces iti nagpatnag a panagraot ti dua a ballistic islander missiles ken maysa a cruise missile, pakabuklan a 145 drones pakairamanan ti dummy drones.
Inbatad ti Ukraine a nalappedan ti fighter jets ken mobile fire groups-da nga adda iti ground ti cruise missile ken 79 a drones ti Russia.
Inaramid ti Russia ti pannakaipaiget pay ti aerial assault-da iti Ukraine kagiddan ti panangpasardeng ti Amerika ti intelligence sharing daytoy iti Kyiv.
