LAOAG CITY – Nakairekord ti International Committee of the Red Cross (ICRC) ti 35 a ribu nga indibidual a mapukpukaw iti uneg ti 13 a tawen a riribok idiay Syria.
Inbatad ni Stephan Sakalian, mangidadaulo ti delegation ti International Committee of the Red Cross a binisita ti gurpona ti Sednaya Prison nga adu dagiti dokumento ti nakita a naperdi.
Nagpanawagan ti International Committee of the Red Cross ket nasken a nakalukat ti access kadagiti amin a detension facilities idiay Syria.
Ginutigotna ti amin a partido a saan a dadaelen dagiti arrest logs, listaan dagiti nakabalod wenno dagiti pimmusay nga indibidual pakairamanan ti court ken hospital records para iti baro a panangidaulo ti Syria.
