LAOAG CITY – Namnamaen ti Civil Aviation Authority of the Philippines (CAAP) a sumurok 5.8 milyon a pasahero ti sumangpet kadagiti eropuerto iti intero a pagilian iti bulan ti Nobiembre ken Disiembre gapu iti pananglagip ti Undas ken ti mapaspasangasangan a panangselebrar ti paskua.
Inbatad ni Eric Apolonio, pannakangiwat ti Civil Aviation Authority of the Philippines, manamnama a nangatngato ti bilang dagiti pasahero ita a tawen maidasig iti napalabas a tawen a dimmanon laeng iti 4.8 milyon.
Kabayatanna, inpadamag ti ahensia nga awan dagiti insidente a nairekord kadagiti eropuerto mainaig iti pananglagip ti Undas 2025.
Inabisoan met ti Civil Aviation Authority of the Philippines ti publiko a mangitugot ti atiddog a pasensiya gapu ta manamnama ti panagdupudop dagiti pasahero nangruna kadagiti agsubli manipud iti probinsia.
Inpetteng ni Apolonio ti kinapateg ti panagbalin a naannad ken ti panangliklik kadagiti angaw mainaig iti bomb threat tapno saan a makaapektar kadagiti operasion ti eropuerto.
