LAOAG CITY – Inbutaktak ti Commission on Audit (COA) a dumanon iti 68 milyon a dosage ti COVID-19 vaccines ti nasayang.
Sipod idi 2021 agingga iti 2022 ket nairekord ti kangatoan a pannakasayang dagiti bakuna ken booster rates a dumanon iti P74.68 a milyon manipud iti COVID-19 Vaccination Program ti gobierno.
Basar iti datos ti Department of Health a ti sumurok 68 a milyon iti agarup 252 a milyon a doses ti COVID-19 vaccines a ginatang ken donasion iti gobierno ti naipadamag a “wastage.’
Naammoan a ti sumagmamano a rason iti pannakasayang ket adda dagiti sumagmamano a Loacl Government Unit ti saanda nga inawat ti deliveries dagiti bakuna gapu ta ababa ti shelf life daytoy.
