LAOAG CITY – Nagsubli iti babaen ti gobierno ti 841 a dati a nakikappeng iti New People’s Army iti Luzon.
Segun ken ni Maj. Eduardo Rarugal Jr., pannakangiwat ti 5th Infantry Division Public Affairs Office ti Philippine Army, iti Region I ket adda ti 68 a regular members ken 70 a militia ng bayan supporters.
Inbatadna nga iti Region II ket adda ti 217 a regular members ken 424 a militia ng bayan supporters idinto nga iti Cordillera Administrative Region ket adda ti 23 a regular members ken 6 a militia ng bayan supporters.
Inlawlawagna a ti kaubingan a surrenderee ket agtawen ti 16 idinto a ti nataengan ket agtawen ti sumurok 60.
Mainaig iti daytoy, kuna ni Maj. Rarugal Jr. nga aktibo ti gobierno iti panangipaay kadagiti livelihood assistance kadagiti nagsublin iti babaen ti gobierno.
Innayonna a basar iti obserbasionda ket awan met pay dagiti surrenderees a nagsubli manen a nakikappeng iti makakannigid a grupo.
