LAOAG CITY – Naragsak nga inpakaammo ni Mayor Mike Hernando nga adda ti sumurok uppat a milyon a pisos ti maipaayan ti fuel subsidy a tricycle ken jeepney drivers iti ili ti San Nicolas.
Inbatadna a maipaay ti fuel subsidy kadagiti amin nga agpaspasada ti tricycle ken jeepney iti nasao nga ili inton bigat, aldaw ti Mierkoles, Hunio 18.
Inlawlawagna a daytoy a programa iti lokal a gobierno iti ili ti San Nicolas ket tinawen a maisaysayangkat sipod idi nagtugaw isuna kas Mayor ti lugar.
Kunana a maipaayan dagiti maseknan a tricycle ken jeepney drivers iti ili ti San Nicolas ti sag-sangaribu a pisos iti tunggal maysa kas fuel subsidy dagitoy.
