LAOAG CITY – Inbutaktak ti dati a Commission on Audit–Intelligence and Confidential Fund Audit Office (COA-ICFAO) State Auditor a ni Roderick Wamil nga umabot iti P40 milyon manipud iti confidential funds ni Vice President Sara Duterte ti inusar para iti medical ken food aid.
Basar kadagiti resibo nga insubmitir ti Office of the Vice President, rimmuar a ti nasao a pundo ket nailatang kadagiti transaksion a saan a palpalubosan iti babaen ti maipatpatungpal a pagannurotan.
Inbatad ni Wamil a nalawag a mailabsing iti pagannurotan ti panagusar ti confidential funds para kadagiti nasao nga items.
Naammoan a dagiti resibo a naiprisentar iti Impeachment Court ket naglaon kadagiti nagan ken gatad nga inawatda.
| Mary Grace Piattos | P70,000 |
| Nova Piattos | P85,000 |
| Renan Piattos | P110,000 |
| Andy Lim | P50,000 |
| Alejandro Pikit | P90,000 |
| Feonna Biong | P80,000 |
| Sisfrunio Balsac | P70,000 |
| Mico Harina | P295,000 |
| Janice Marie Revilla | P70,000 |
| Patty Ting Gabriela Bisaya | P150,000 P70,000 |
Segun iti House prosecution panel, dagitoy a dokumento ket agpapada nga opisial ken pirmado ni Vice President Sara Duterte.
Innayon pay ni Atty. Kapunan nga aprobado mismo ti Bise Presidente dagiti nasao a transaksion.
