LAOAG CITY – Naikeddeng nga agbutos ti pakabuklan a 4,125 a balud kadagiti nagduduma a prisons and penal farms ti pagilian para iti 2025 Midterm Elections.
Manipud iti sumurok uppat a ribu a balud, 2,135 ditoy ket agdama a nakabalud iti New Bilibid Prison.
Adda ti pakabuklan a 924 met ti kualipikado nga agbutos manipud iti Davao Prison and Penal Farm; 421 manipud iti Leyte Regional Prison, 290 iti San Ramon Prison and Penal Farm idinto a 140 met ti kualipikado manipud iti Iwahig Prison and Penal Farm.
Kadagiti pagbaludan para kadagiti babbai, adda ti pakabuklan a 123 manipud iti Correctional Institution for Women iti Mandaluyong City ti kualipikado nga agbutos idinto nga iti CIW-Mindanao ket addaan ti 92 a naikeddeng nga agbutos.
Kagiddan iti daytoy, inbilin ni Bureau of Corrections Director General Gregorio Catapang Jr. ti amin a superintendent ti kada pagbaludan a siguradoen ti naurnos a panagbubutos.
Immunan a nagpirma ti Bureau of Corrections ti katulagan kaduana ti Commission on Elections, Public Attorney’s Office ken Bureau of Jail Management and Penology tapno maaddaan ti ‘inclusive voting environment’ para kadagiti balud a kualipikado nga agbutos.
Kabayatanna, dagiti balud na kwalipikadong bumuto ay yaong mga naghihintay ng trial sa kanilang kinakaharap na kaso, at mga nahaharap sa sentensyang pagkakakulong ng mas mababa sa isang taon.
