LAOAG CITY – Manamnama a marugyan a dagus ti pannakaipatakder ti Super Health Center iti ili ti Vintar.
Daytoy ti inpakaammo ni Mayor Richard Degala iti ili ti Vintar kalpasan ti naiyuswat a groundbreaking ceremony para iti nasao a proyekto.
Segun ken ni Mayor Degala, ti Super Health Center ket maipatakder iti asideg ti merkado publiko iti paset ti Barangay Margaay iti ili ti Vintar.
Inbatad ni Degala a babaen iti Super Health Center ket ad-ado dagiti maakomodar a pasyente ken ad-adda pay a mapasayaat iti benneg ti salun-at iti nasao nga ili.
Ti Super Health Center ket pinondoan ti Department of Health.
