LAOAG CITY – Nagyaman iti Bombo Radyo ni Miss Joyce Calilan, supervisor iti Bakasyunan Inn iti Barangay 11 ditoy ciudad ti Laoag.
Daytoy ket kalpasan a natiliwen ti maysa nga adda ti problema ti panagpanpanunot na a nangbakal a poon ti nakaburakan ti ridaw ti pagpapaayan na a pasdek.
Kuna ni Calilan a kalpasan ti pannaka-interview na iti Bombo Radyo ket naaksyunan a dagus ti problema da babaen ti Department of Social Welfare and Development (DSWD) ken ti Philippine National Police (PNP) iti ciudad ti Laoag.
Maipalagip nga inrakurak idi ni Calilan a saan da a patarimaan ti nabuong a ridaw ti pagpapaayan na nga Inn agingga a saan a matiliw ti maseknan.
Nupay kasta, inpakaammo ni Calilan a kalpasan a naamoan da ti pannakatiliwen ti nagbakal nga adda problema ti panagpanpanunot na ket pinatarimaan da a dagus.
