LAOAG CITY – Bassiten ti suplay iti anti-rabies vaccine ditoy Ilocos Norte.
Daytoy ti inpakaammo ni Mrs. Lalanie Basillio, ti Rabies Nurse Provincial Coordinator iti Provincial Health Office.
Inlawlawag ni Basilio a sipud Enero agingga iti Hunyo ita a tawen ket adda ti pakabuklan a 5,505 nga indibidual ti nakagat ti aso ken pusa.
Kuna na pay a saan laeng a dagiti mismo a nakagat ti aso ken pusa ti nabakunaan ti anti-rabies vaccine no di ket uray dagiti nakapulapol da isut gapuna nga alisto a naibus ti nasao a bakuna.
Iti agdama, inbatad ni Basilio nga adda laengen ti nabati a 500 vials ti anti-rabies vaccine ngem naibunongen kadagiti animal bite center, pakairamanan ditoy ti Mariano Marcos Memorial Hospital and Medical Center, Governor Roque Ablan Senior Memorial Hospital, Black Nazarene, Bangui District Hospita, Laoag City Health Office ken Batac City Health Office.
