LAOAG CITY – Agkurkurang ti suplay a sabsabong iti State of Aloha idiay Hawaii gapu pay laeng ti agtultuloy a panagalburuto ti Kilauea volcano.
Daytoy ti kinumpirmaran ni International Bombo Correspondent Manny Pascua idiay Hawaii.
Inbatad ni Pascua a gapu ti panagpuswak ken panagayos ti lava ket ado dagiti mula a sabsabong a naapektaran kangrunaan na ti orchid iti Lower Puna, Big island, Hawaii.
Segun ken ni Pascua, kaadoan kadagiti agmulmula ti orchid ti nasao a lugar ket dagiti Pilipino.
Kabayatanna, inbatad ni Pascua nga agpapan ita ket nagtalinaed a nakaserra ti Hawaii Volcano National Park gapu ta saan pay a nagnormal a sitwasyon ti Kilauea volcano.
