LAOAG CITY – Kinumpirmaran ni Dr. Rodrigo Catcatan, mangidadaulo ti City Health Office ditoy siudad ti Laoag nga agkurkurang ti suplay ti anti-rabies vaccine ditoy siudad ti Laoag.
Inbatadna a gapu iti kinaadu dagiti indibidual a makagkagat ken makarkaramutan ti aso ken pusa ket alisto daytoy a maibus.
Mainaig iti daytoy, kunana a dagiti makaramutan laeng ket insigida dagitoy a mapanda agpabakuna gapu iti panagamakda a maimpektaran ti rabies.
Innayonna nga adda dagiti anti-rabies vaccine a libre a maipaay kadagiti umili ditoy siudad ngem no maibusanda ket bilinenda dagitoy a mapan gumatang iti ruar.
