LAOAG CITY – Umdasen ti supply ti ikan ditoy probinsiya iti umay a Semana Santa.
Daytoy ti inpakaammo ni Mrs. Vanessa Abigail Dagdagan, mangidadaulo iti Provincial Fishery Office ditoy probinsya.
Kunana a daytoy ti nagbalin a resulta ti panagtaraken dagiti mangalap kadagiti fingerlings idi sakbay a nagbgudo ti tawen 2023 no sadinno nga iti umay a Semana ket mabalinen a maharvest dagitoy.
Inbatad na a basar iti monitoring da ket awan ti makitkita ti opisinada a panagkurang ti suplay ti ikan iti nangina nga aldaw.
Inpakaammo na ti kangrunaan a paggapuan ti suplay ti ikkan ket iti ciudad ti Laoag, pakairaman iti ili ti Currimao ken iti ili ti Pagudpud.
Innayon ni Dagdagan a malaksid kadagiti taraken nga ikkan ket karaman pay dagiti makalapan dagiti mangngalap kas kadagiti mangngalap iti ili ti Pasuquin.
Inpetteng na a gapo ta paset ti kultura dagiti Pilipino iti saan a panagsida ti karne tunggal Semana Santa ket agbalin a kasukat wenno alternatibo ti ikkan isu nga manamnama a ngumato ti demand daytoy a rason met iti panagngato ti presyo.
Nupay kasta, inpasigurado na a bassit laeng ti mainayon iti presio ti ikan.
Kabayatanna, inpakaamo na nga iti agdama ket addan ti naireport iti opisinada a maipagarup a naapektaran a mangalap manipod iti ili ti Dingras rason a kalikagomda ti mangala iti naan-anay nga impormasyon.
