LAOAG CITY – Naisublin ti suplay ti kuryente idiay Sierra Leone kalpasan ti sumagmamano a lawas a pannakaputed na.
Daytoy ket kalpasan a ti sumagmamano a paset ti $48-million a bill ti pagilyan ket binayadan ti Turkish company.
Nabayadan ti $18-million kalpasan a bimmaba iti pwesto ti energy minister ti pagilian no sadinno nga inako na nga isuna ti responsable iti krisis.
Maipalagip a gapu iti pannakaputed ti suplay ti kuryente idiay Sierra Leone ket dakkel ti nagbalin nga epekto daytoy kadagiti residente, kangrunaan na iti panagadal dagiti estudyante ken kadagiti ospital.
Naamoan a maysa a maladaga ti kumpirmado a natay gapu iti kaawan ti kuryente no sadinno a dagiti dodoktor ket nagusar da ti cellphone a pinagsilaw da tapno maannong da dagiti trabaho da.
