LAOAG CITY – Inpasigurado ni Engr. Jonathan Corpuz, ti Branch Manager iti National Food Authority-Ilocos Norte a makaanay ti stock ti irik ken bagas ditoy probinsya agingga iti agngudo ti tawen 2022.
Segun kenni Corpuz, iti agdama ket adda ti nasurok 21 a ribo a sako ti irik idinto a 10 a ribo a sako met ti bagas ti stock ti National Food Authority ditoy probinsya.
Nupay kasta, kunana a masapol nga aggatang da pay ti produkto nga irik tapno adda ti buffer stock para iti sumaruno a tawen 2023.
Kageddan iti daytoy ket inpasigurado ni Corpuz a nakasagana dan nga aggatang iti produkto nga irik dagiti mannalon bayat a mangrugrugin ti panaggapas ditoy probinsya.
Mainaig iti daytoy, kuna ni Corpuz nga ita ket 19 a pisos ti paggatang ti National Food Authority iti kada kilo ti irik wenno saan pay a nagbaliw.
Naamoan nga adda ti siyam a sakoti irik ti nagatang da iti ili ti Dingras.
