LAOAG CITY – Nakurang ti suporta ti gobierno kadagiti maparpartuat a produkto ditoy pagilian isut gapuna a saan latta a maartapan ti napintas a kalidad dagiti produkto iti Thailand.
Daytoy ti inbatad ni Dr. Melody Calisay, ti Presidente iti Filipino Chamber of Commerce of Hawaii.
Kuna na a ti Thailand ket mabigbigbig gapu iti kinapintas ti kalidad ti produkto da.
Innayon ni Calisay a tapno maipada iti Thailand ket kasapulan ti naan-anay a pannakikoordinar iti nagduduma nga ahensya kas iti Department of Trade and Industry, ken pannakikadwa iti pribado nga ahensya.
Mainaig iti daytoy, kuna ni Calisay a no napintas ti kalidad dagiti produkto iti Pilipinas ket mabalin nga ilako iti sabali a pagilian.
Inpakaammo pay ni Calisay a ti inabel ti napintas nga ilako iti sabali a pagilian ngem masapol a mapintasen nga umuna ti kalidad na.
