LAOAG CITY – Inpakaammo ni Ms. Nancy Palclos, Nutritionist iti Mariano Marcos Memorial Hospital and Medical Center iti siudad ti Batac ti importansya ti supplemental feeding.
Kuna na a daytoy ket a dakkel a tulong kadagiti ubbing ken estudyante a makapaspasar ti malnutrisyon ditoy Pilipinas.
Mainaig iti daytoy, inbatad ni Palclos a babaen iti supplemental feeding ket matulungan ti al-alisto a panagdakkel ken pannakanayun ti timbang dagiti ubbing babaen iti nasalun-at a wagas.
Immuna iti daytoy, kuna ni Palclos nga iti supplemental feeding program ket maited dagiti taraon a nangato iti lebel ti carbohydrates ken protein.
Inbatad na nga agpaot ti pannakaipakat ti nasao a programa iti 90 agingga iti 120 nga aldaw nu sadino nga iti kada bulan ket adda ti maiyuswat a monitoring tapno maamoan nabaliwan ti timbang dagiti ubbing.
