LAOAG CITY –Naibusen ti supply a bagas manipud iti National Food Authority (NFA) ditoy Ilocos Norte.
Daytoy ti pinasingkedan ni Ms Rosalien Pante Adminitrative Officer ti NFA.
Nupay kasta, inbatad na a kabaelan a supusupan ti pagkasapulan ti bagas dagiti umili gapu ta nairana ti tiempo ti panaggaapit.
Kuna na a basar ti datos ti Philippine Statistics Authority, umabot pay ti lima a bulan ti supply ti commercial rice.
Inlawlawag ni Pante nga itay napalabas a bulan ti Marso ket immabot ti 42 pesos ti kada kilo ti presyo ti NFA rice inggana a nagiparuk-at da iti sabali pay a tagilako inggana a bimmaba iti inggana iti P38.40.
Inbatad na pay nga awan mabalin da no agipangato ti presyo dagiti aglaklako ti commercial rice.
