LAOAG CITY – Awan ti rumbeng a pagdanagan dagiti member consumers ti INEC gapu ta natalged dagiti pasilidades ti kooperatiba iti isasang bay ni bagyo nga Ompong.
Pinasingkedan daytoy ni Mr. Noel Andres, Information Officer ti nasao a kooperatiba.
Segun ken ni Andres, ti laeng parikot ket no matupakan ti kayo wenno maapritan ti sanga ti kayo dagiti linya ti kuryente a pagpukawan na.
Kunana nga adda met ketdin ti nabayagen a “clearing operations” nga inar-aramid da ngem no adda da pay dagiti saan da a nadalusan a linya ket mabalin nga iyuman da kadagiti opisina da.
Inlawalwag ni Andres nga awan met dagiti malagip na nakaipatakderan dagiti poste wenno pasilidades da nga alisto a lapunasen ti danum wenno landslide.
Nupay kasta,kuna ni Andres, nga addaan kadagiti mangiwanan kadagiti substations ti Inec iti mangiyatomatiko no kasapulan nga iddependan ti serbisyo ti kurytente kas koma iti kaadda dagiti malayos wenno napugpugsat a linya ti kuryente.
