LAOAG CITY – Naglikudan ni Mr. Redentor Espirito iti Barangay 3 ditoy cuidad iti Laoag ti alegasyon kenkuana nga adda ti maibunbunong a kwarta babaen iti supsuportaran na a kandidato ken iti mismo pagtaengan ti pakaiyawatan daytoy.
Segun kenni Espirito, awan ti kinapudno na ti maibagbaga nga adda ti panagibunong ti kwarta babaen kadagiti supsuportaran na a kandidato.
Inlawlawag na a nakigtot iti alegasyon kontra kenkuana ken gapo iti daytoy ket naibabain ti pamilya na.
Inpetteng na a nasakit ti nakem na iti kastoy nga alegasyon kenkuana ken uray ti pamilya na ket madi ti rikna da iti daytoy.
Mainaig iti daytoy, kuna a pudno a supsuportaran na ti partido ni Mr. Edison Baldugo a kantidato iti kina-kapitan gapo ta daytoy a mismo ti nagkiddaw kenkuana.
Inpalgak na a napintas ti gagem na a tumulong iti kabarangayan na ngem napaay gapo iti nadakamat nga alegasyon.
Innayon na a no adda ti gura dagiti kandidato kadagiti kalaban da ket saan kuma a mairamraman isuna.
