LAOAG CITY – Patien dagiti autoridad ti Syria nga indauluan dagiti rebelde a dagiti mangsupsuporta iti dati a Presidente Bashar al-Assad ket pinapatayda ti 14 a kameng ti Interior Ministry iti “ambush” a napasamak iti makindaya a paset ti pagilian ti Syria.
Segun iti grupo, malaksida kadagiti pimmusay ket 10 pay a tropa ti nasugatan iti rinupak iti asideg ti Mediterranean port ti Tartous.
Basar kadagiti report, na-ambush dagiti security forces kabayatan nga ikagkagumaanda nga arestaren ti dati nga opisial gapu iti pakainaigan na iti pagbaludan ti Saydnaya, nga asideg iti kabesera a Damasco.
Maipalagip a sumagmamano a lawas ti napalabas, naikkat kas presidente ni Assad iti babaen ti puersa dagiti rebelde nga indauluan ti Islamist Hayat Tahrir al-Sham (HTS) faction.
