LAOAG CITY –Nagkiddaw ni Former Executive Secretary Vic Rodriguez iti Supreme Court nga ideklarar a ‘null and void’ ti ruling iti Senate impeachment court iti impeachment trial ni Vice President Sara Duterte.
Mainaig iti daytoy, nagkiddaw pay ni Rodriguez ti temporary restraining order iti ruling a nangipababa ti pagibasaran a kasapulan a butos manipud kadagiti Senador nga aktibo a makiparpartisipar iti panangusig.
Inbatad ti dati a Palace official a ti nakaipalaon ti Konstitusion a ti voting threshold ket 2/3 manipud iti amin a miembro ti Senado no sadinno a pakabulan ti 16 no mairaman amin a 24 a Senador.
Kabayatanna, adda ti uppat a senador nga awan iti impeachment proceedings. Dagitoy ket pakairamanan da Senators Jinggpy Estrada ken Rodante Marcoleta nga agpada a sumangsango ti kaso ti plunder ken nakaibalod iti Quezon City Jail bayat nga ururayenda ti panangusig kenkuada.
