Indaolan ni Sangguniang Kabataan Federation President a ni Michael Christophe Agustin, ti libre a review sessions iti Brgy. 14 Sto. Tomas ditoy siudad ti Laoag para kadagiti agadadal iti elementarya ken sekondarya.
Ti SK Upskilling and Review Offer wenno SURO ket aktibidad ti Sangguniang Kabataan tapnu matulungan dagiti agadadal nga agsagana para iti panag-eksamenda.
Mainaig iti daytoy, dagiti mangisuro ket dagiti Licensed Professional Teachers ken dadduma pay a volunteers nga addaan ti kinasirib a katulungan a mangisuro kadagiti ubbing.
Gapu iti daytoy, adda ti naiyalokar nga espasio ti Brgy. Hall iti nadakamat a barangay para iti nasao nga aktibidad no sadinno nga addaan daytoy ti Wi-Fi connection, libre a printing session ken meryenda para kadagiti estudiante.
Kabayatanna, maangay ti nasao nga aktibidad iti tunggal ala-sais ti rabii a nangrugi idi Setiembre 23 agingga inton Setiembre 27.
