LAOAG CITY – Nasulbaren ti susik iti nagbabaetan da Sangguniang Panlungsod Member Edisson Bonoan, Sangguniang Panlungsod Member Justine Chua ken ni Sangguniang Panlungsod Member Edison Chua ditoy ciudad ti Laoag.
Daytoy ken kalpasan a napasamak ti panagsasango dagiti maseknan kabayatan ti regular session da.
Kalpasan ti sesyon ket timmakder ni Bonoan ken inasitgan na ni Konsehal Justine Chua kageddan ti panaginnisem da kalpasan na ket nabayag a naginnalamano da.
Kabayatan ti panaginnalamano da, adda ti nangipukkaw ti “kiss” rason a binisito ni Bonoan ti akin-kannigid a pingping ni Chua.
Iti interview ti Bombo Radyo Laoag ken ni Bonoan, inadmitir na adda ti nagliwayan na kadagiti tallo nga ordinansa nga inispunsuran na itay kallabes.
Daytoy ket ti pannakaipaay ti prangkisa kadagiti tallo nga operators ti tricycle ngem rumruwar a saan a nasurot ti umiso a proseso.
Gapu iti daytoy, maragsakan ni Vice Mayor Vicentito Lazo ken dagiti dadduma pay a kameng ti konseho gapu ta nasulbaren ti saan a panagkinnaawatan da Bonoan ken ni Chua.
Kabayatanna, inbatad ni Atty. Josepus Neres, legal officer ti gobierno ti ciudad ti Laoag ken mangidaulo iti nabukel a fact-finding committee nga uray nasulbaren ti susik dagiti maseknan a kameng ti konseho ket ipakaammo danto latta ken ni Mayor Michael Marcos-Keon ti resulta ti aramiden da nga imbestigasyon.
Innayon na nga aniantoman ti agbalin a desisyon ti mayor ket ipakaammo danto a dagus iti publiko.
Maipalagip nga immuna a dinanog ni Bonoan ni Konsehal Justine isut gapuna a napan tinulungan ti uliteg na a ni Konsehal Edison Chua a nangitunda ti panagrarambol da iti sango a mismo ti Laoag City Hall iti kallabes.
