LAOAG CITY – Naarestaren dagiti otoridad ti maysa a lalaki a nanggandat a nangpaltog ken ni dati nga United States President Donald Trump.
Basar iti Secret Service, nakitada ti muzzle wenno ungto ti maysa nga AK-47 a nakatutok iti lugar no sadinno nga agay-ayam ni Trump.
Nakalemmeng ti nasao a paltog iti nasamek a lugar isu a dagus daytoy a pinaputukan dagiti secret service.
Dagus met a naglibas ti suspek a naglugan ti nangisit a pick-up ngem nalappedan dagiti otoridad.
Naala iti lugar ti maysa nga AK-47 nga addaan ti scope ken maysa a GoPro camera.
Dakkel ti pammati dagiti otoridad a ti insidente ket maysa a klase ti pananggandat ti assasination ken ni Trump.
Iti agdama, agtultuloy nga am-ammoen ti FBI ti motibo ti nasao a suspek iti pananggandatna a panangpaltog ken ni Trump.
