LAOAG CITY – Winaya-wayaanen ti Philippine National Police (PNP) ni Mrs. Melinda Anday iti Bgy. 35 Pipias, Bacarra, Ilocos Norte a natiliw iti entrapment operation ditoy ciudad ti Laoag.
Daytoy ket kalpasan a nangisumitir iti affidavit of desistance ti nagbalin a biktima na a ni Mrs. Lean Sacoco iti Bgy. 15 iti ili a San Nicolas.
Maipalagip a naiwayatan ti entrapment operation ni Sacoco kalpasan ti panagdawdawat na ti kwarta ken ni Anday nga immabot iti 100 a ribo a pisos kasukat ti panangtulong na kenkuana tapno mawaya-wayaan ti asawa na a nakabalud iti Ilocos Norte Provincial Jail (INPJ) gapu ti kaso na seknan iti illegal a droga.
Rumrumuar nga inbabawi ni Anday ti naipila a kaso kontra ken ni Sacoco kalpasan a nagsarita da a bayadan lattan ti suspek ti naala na a 100 a ribo a pisos.
Nadismaya ti PNP iti inaramid ni Anday ngem awan ti maaramidan da no saan a ti mangsurot ti paglintegan.
