LAOAG CITY – Nakita ti probable cause a nangitunda ti pannakaipila ti kaso a murder iti suspek iti napasamak a pammaltog idi laeng kallabes iti barangay Gabut Norte iti ili ti Badoc.
Mainaig iti nakitada a rason ti krimen ket nai-rekomenda ti ag-gatad P10,000 a piansa para iti temporario a pannaka-wayawayana.
Maipalagip a naarestar ti nadakamat a suspek kalpasan a maipagarup pinaltoganna ti maysa a construction worker iti Barangay Gabut Norte iti ili ti Badoc a basar iti immunan nga imbestigasion ket kabayatan nga agtugtugaw ti biktima iti monoblock chair iti sanguanan ti pagtaenganda ket maipagarup inasetgan ti suspek ti biktima ket insigida a pinaltoganna daytoy ti sumagmamano a daras.
No pay kasta, insigida met a nakalisi ti biktima ken kellaat daytoy a nakataray a rason ti pannakalasatna iti krimen.
Kabayatanna, basar iti imbestigasion ti pulisya ket naamoan a ti motibo ti suspek ket gapu iti dati a susikda iti biktima.
